Епидемиологот од Институтот за јавно здравје, Владимир Микиќ, во вечерашното гостување на ТВ “24”, најави дека во мај ќе се прави серолошка студија односно тестирање на населението за да се види колку луѓе биле изложени на ковид-19 и развиле антитела.
„Веќе пред јуни ќе ги имаме резултатите колку од луѓето го прележале вирусот. Серолошката студија ќе ни укаже колкав е имунитетот и според тоа ќе утврдиме кои старосни групи се поризични и ќе се направат постапки како да се нормализира животот“,
рече Микиќ.
Тој порача и дека олабавувањето на мерките треба да биде постепено и само доколку се задржи овој тренд на новозаразени.