ВМРО-ДПМНЕ во соопштение до јавноста уште еднаш побара стопање на пописот, поради како што велат, ризикот од ширење на ковид-19.
„Во услови на пандемија и кризна состојба во Македонија, Заев е решен да спроведе попис. Целта му е само една – реалзирање на меѓупартискиот договор. Здравјето на граѓаните воопшто не му е во фокус. Заев не гледа дека сите земји ги одлагаат пописите, ниту ги слуша препораките на Евростат кои велат – внимавајте пандемија е, не е време за попис. Сепак, владата Владата, одлучно, со целиот капацитет кој го нема, ќе спроведува попис на населението! Во вакви епидемиолошки услови пописот треба да се стопира! Опасноста од спроведување попис е голема!“,
се вели во соопштението.
Во него се додава дека невакцинирани попишувачи ќе значат масовно ширње на вирусот и потенцијални 2 400 жртви само од пописот, а според проценките на ВМРО-ДПМНЕ ќе се инфицирале околу 50 илјади лица.
„Не успеаја да набават ниту вакцини, па барем попишувачите кои ќе одат од дом во дом да бидат вакцинирани. Доколку имате малку памет, прекинете ја постапката за попис на населението. Ќе дојде време кога ќе одговарате за сите постапки, а најтешки се загрозувањето на животите и здравјето на граѓаните на Македонија“,
велат од ВМРО-ДПМНЕ.