Драги Рашковски влијаеше врз обвинети како да се однесуваат и да ги манипулираат обвинителите, преку пораки со насоки како да пишуваат со стручна терминологија кога комуницираат со него во врска со истрагата, за да не ги разберат обвинителите, која е гаранцијата дека нема да го повтори истото, реагира опозициската ВМРО-ДПМНЕ.
„’Слушај, изразувај се стручно, овие се глупи, ништо нема да те разберат’. Ова е пораката која Драги Рашковски ја испратил до газдата на ’Инвока’, фирма од која тој како Генерален секретар од страна на Генералниот секретаријат на владата го набавил софтверот кој сам го патентирал. После оваа порака на Драги Рашковски му е преиначен куќниот притвор во затворски. Оваа порака индицира дека Рашковски и газдата на ’Инвока’ имаат нешто да сокријат од ЈО. Која е гаранцијата дека Рашковски кој вршел влијание врз обвинети и сведоци, нема да го стори истото повторно? Како ЈО се уверило дека Рашковски нема да влијае врз постапката, сведоците, и доказите?“
се наведува во соопштението на ВМРО-ДПМНЕ.
Од партијата додаваат дека е спорно и тоа што Рашковски е под сомнение дека извршил набавки и на неколку други софтвери каде има сомнеж за корупција, а сега е пуштен во домашен притвор.