ВМРО-ДПМНЕ се јави со реакција на изјавата на лидерот на СДСМ, Зоран Заев, дека жали што опозицијата не се израдувала на одлуката за старт на преговорите на ЕУ со нашата земја.
„Профитерот Заев, наместо да шири лажни вести, да засука ракави и да почне да работи затоа што здравствениот систем крахира. Дволичноста на СДСМ уште еднаш излезе на виделина. Вчера ВМРО-ДПМНЕ ја поздрави позитивната одлука на Советот на министри на ЕУ и се надева на што поскоро добивање датум за прва меѓувладина конференција со земјите членки на ЕУ“,
стои во соопштението на ВМРО-ДПМНЕ.
Заев, во гостување во „Утрински брифинг“, изјави дека Европа ја исправила неправдата кон нашата земја и дека жали што опозицијата не честитала за тоа.