Опозициската ВМРО-ДПМНЕ бара да се формира нова Комисија за заразни болести идејќи сметаат дека зголемениот број на случаи со ковид во земјава е вина на актуелните членови.
„Секој ден е нов пик, вчерашната бројка од 641 заболен е вина на Комисијата, која треба да се замени со нова специјална комисијата од експерти. Власта и Комисијата за заштита од заразни болести немаат никаков кредибилитет и не можат да се справат со корона кризата. Секој четврти тестиран во Македонија е болен од ковид“,
велат од ВМРО-ДПМНЕ.
Тие сметаат дека власта предлага несуштински мерки за борба против пандемијата и велат дека уште од самиот старт во март пристапот е погрешен и политикантски.
„Комисијата за заштита од заразни болести е главниот виновник за високиот број заразени и починати. Комисијата наместо стручност демонстрираше политика. Токму затоа е потребно формирање специјална комисија која ќе биде составена од професионалци, експерти во своите области кои здравјето и интересот на граѓаните ќе ги стават пред лично партиските интереси на партијата на власт“,
велат од ВМРО-ДПМНЕ.