Владата предлага Надзорниот одбор на Акционерското друштво „Пошта на Северна Македонија“, да го избере Јани Макрадули за член на Управниот одбор на ова друштво кое е во државна сопственост.
Ваков заклучок бил донесен на денешанта седница, соопштија од владината прес-служба.
Име на Макрадули веќе извесен период се споменува токму за директорското место во „Пошта“ од каде замина Ејуп Рустеми, кој доби нова функција – директор на Јавното претпријатие за државни патишта.
Во однос на кадровските решенија, Владата денеска донела одлуки и за неколку други именувања и разрешувања во следните институции:
Фонд за иновации и технолошки развој: Дадена е согласност на Управниот одбор да го разреши Јован Деспотовски од должноста директор, на негово барање;
Агенција за иселеништво: Разрешен е досегашниот директор Никола Шалваринов, а на него место е именуван Слободан Близнаковски;
Државен завопд за статистика: За в.д. заменик-директор е назначен Иљми Селами;
Управа за семе и саден материјал: од директорската позиција е разрешен Митко Крстевски, а на негово место е назначен Лутфи Акики;
Управа за наменско производство: од позицијата в.д. директор е разрешен Дениз Исмаили, а Емил Димитровски е именува за нов в.д. директор.
Агенција за стоковни резерви: Прифатена е оставката на досегашниот в.д. заменик-директор Бајрам Ѓулиовски, а на негово место за в.д. именувана е Кети Смилевска;
Дирекција за технолошко индустриски развојни зони: Прифатена е оставката на Александар Младеновски;
Советот за унапредување и надзор на ревизијата: За член е именувана Јасна Дуковска-Јегени.