Владата денеска донесе одлуката со која се дозволува извоз на средства за дезинфекција.
Економските оператори и производители ќе бидат задолжени при секој извоз да гарантираат дека одреден процент од стредствата остануваат како залиха за потребите на домашниот пазар.
„Владата денеска донесе одлуката со која се дозволува извоз на економските оператори и производители од Република Северна Македонија на средства за дезинфекција: сапуни со или без површинско активни средства со дезинфициенси, препарати (за миење, перење, чистење и гелови) на база на површинско активни средства, тоалетни препарати со дезинфекциони средства, како и неденатуриран етилалкохол со содржина на алкохол 80 проценти, при што при секој извоз кон царинската декларација се приложува Изјава од извозникот и производителот дека одреден процент од овие средства остануваат како задолжителна залиха за потребите на домашниот пазар“,
се вели во владиното соопштение.