Од Владата додаваат дека надлежните институции – Министерство за земјоделство, шумарство и водостопанство, Агенцијата за храна и ветеринарство, како и Министерствата за одбрана, за внатрешни работи, за финансии, беа задолжени, а на Заедницата на единиците за локална самоуправа им беше препорачано да ги спроведуваат сите мерки за справување со африканската чума кај свињите
Владата на денешната седница донесе одлука за формирање Координативно тело за подобрување на институционална координација за преземање мерки за справување со африканската чума кај свињите.
„Владата на Република Северна Македонија ја разгледа и усвои Информација за состојбата за појавата и ширењето на африканската чума кај свињите и усвои Одлука и решение за формирање на Координативно тело за подобрување на институционална координација за преземање на мерки за справување со африканската чума кај свињите“,
се вели во соопштението од Владата.
Оттаму додаваат дека надлежните институции – Министерство за земјоделство, шумарство и водостопанство, Агенцијата за храна и ветеринарство, како и Министерствата за одбрана, за внатрешни работи, за финансии, беа задолжени, а на Заедницата на единиците за локална самоуправа им беше препорачано да ги спроведуваат сите мерки за справување со африканската чума кај свињите.
Претходно, од Агенцијата за храна и ветеринарство (АХВ) упатија апел сите одгледувачи на свињи, официјалните ветеринари на АХВ или најблиските ветеринарни друштва, навреме да го пријават секој сомнителен случај на африканска чума, со цел да се спречи ширењето на болеста.
Како извор на вирусот, според директорот на Агенцијата, Николче Бабовски, се дивите свињи, а болеста која ја има во регионот е веројатно пренесена кај нас од соседна држава, но не кажа од која, а како потенцијално ризичен регион е оној на границата со Србија и со Бугарија.