Јапонска метеоролошка агенција издаде предупредување за цунами со можни бранови до еден метар
Јапонската премиерка Санае Такаичи изјави дека властите го проценуваат бројот на жртви и обемот на материјалната штета
Земјотрес со прелиминарна магнитуда од 7,1 степен според Рихтеровата скала утрово ја погоди јужната јапонска префектура Кумамото предизвикувајќи прекин на електричната енергија и на железничкиот сообраќај, пренесува Си-ен-ен.
Јапонската влада издаде предупредувања за дополнителни потреси и за можно цунами.
Земјотресот е регистриран во близина на островот Кјушу, а епицентарот се наоѓа на длабочина од околу 10 километри на 25 километри од градот Кумамото.
【地震速報】熊本県熊本地方で震度７ 津波注意報 気象庁https://t.co/fAoIlTGbTd pic.twitter.com/CrK9DjyYMX
— NHKニュース (@nhk_news) July 28, 2026
Предупредувања за нови земјотреси се издадени за префектурите Кумамото, Нагасаки, Кагошима, Фукуока, Сага, Оита и Мијазаки, на островот Кјушу.
Јапонска метеоролошка агенција издаде и предупредување за цунами со можни бранови до еден метар.
Во погодената област се наоѓаат фабрики на големи компании, меѓу кои и „Сони“ и ТСМЦ, најголемиот светски производител на чипови.
Жителите што го пријавиле земјотресот рекле дека почувствувале силно тресење кое траело неколку секунди.
Јапонската премиерка Санае Такаичи изјави дека властите ги проценуваат бројот на жртви и обемот на материјалната штета.
„Прекини на електричната енергија и пожари се случија во некои области, а има и оштетувања на патишта и мостови, како и урнати згради. Ги повикувам сите да преземат мерки за да се заштитат, односно да се евакуираат на безбедни места“,
рече таа.
Тамошните медиуми објавија снимки од урнати згради, од големи пукнатини на патиштата, вклучително и на надвозник, како и товарен воз кој излетал од шините.
#Earthquake (#地震) confirmed by seismic data.⚠Preliminary info: M6.5 || 22 km S of #Kumamoto-shi (#Japan) || 8 min ago (local time 16:27:17). Follow the thread for the updates👇 pic.twitter.com/cNPcvR7l5v
— EMSC (@LastQuake) July 28, 2026
Европско-медитеранскиот сеизмолошки центар (ЕМСЦ) првично објави дека земјотресот бил со јачина од 6,8 степени, а потоа намали на 6,5 степени.
NOW: M7.1 Earthquake Near Uki, Japan#terremoto #地震 pic.twitter.com/nW2V9kGWkO
— Noteworthy News (@newsnoteworthy) July 28, 2026
На видеата објавени на социјалната мрежа Икс се гледа дека штети претрпеле и делови од камените ѕидини на замокот Кумамото, една од најпознатите историски градби во Јапонија. Замокот беше оштетен и во силниот земјотрес што ја погоди областа во 2016 година.
🚨 BREAKING: The historic stone walls of Kumamoto Castle have reportedly collapsed after a magnitude 7.1 earthquake struck approximately 4 km southeast of Uki in Kumamoto Prefecture, Japan. pic.twitter.com/Dkx43S8ADQ
— War Updates FC (@k_c_shivansh) July 28, 2026
Јапонија е една од земјите со најголем ризик од земјотреси во светот. Се наоѓа на т.н. огнен прстен вдолж Тихиот Океан, каде што се случуваат околу 20 отсто од земјотресите во светот со магнитуда од шест и повеќе степени.
Во силен земјотрес во 2016 година во истата префектура Кумамото загинаа 275 лица, а повредени беа над 2 700.