Во соработка со полициите од други земји, обезбедени се повеќе лица кои се екстрадирани и пренесени во затворите во нашата држава
Во изминатите петнаесетина дена, полицијата, во рамки на оперативната акција „Бегалец“, пронашла и привела 59 лица кои се бараат за издржување затворска казна .
Од МВР соопштија дека се преземаат интензивни мерки за пронаоѓање и приведување на лица по кои се трага односно се бараат за издржување на затворска казна.
„Од досега преземените активности, во периодот од 15 сештември до 1 октомври, на територијата на државата, приведени се 59 лица за издржување на затворска казна до десет години и се спроведени во казнено поправните институции“,
соопшти портпаролот на МВР, Тони Ангеловски.
Покрај тоа, во соработка со полициите од другите земји, обезбедени се повеќе лица кои се екстрадирани и пренесени во затворите во нашата држава.
Од Германија е екстрадиран Б.Р., кој беше предмет на потрага по меѓународна потерница за издржување на казна затвор од 32 год. и шест месеци.
Од истата земја е екстрадиран и Љ.Ј. кој беше предмет на потрага по меѓународна потерница за истрага по чл.123 од КЗ „Убиство“.
Од Австрија е екстрадиран И.С., кој беше предмет на потерница за издржување на казна затвор од 10 години.
„Одделението за потраги при Секторот за меѓународна полициска соработка продолжува со интензивни активности за пронаоѓање и приведување на лицата кои се бараат со потерници“,
додава Ангеловски.