Ако и денеска потрагата е неуспешна, утре ќе се вклучи и тим од Дирекцијата за заштита и спасување
Денеска втор ден по ред се трагаше по лицето што вчера се фрли во реката Вардар од мостот „Близнак“ на булеварот „Србија“ во Аеродром.
„Ако лицето и денеска не се пронајде, планирано е утре во преварувањето да се вклучи еден тим од Дирекцијата за заштита и спасување (ДЗС), специјализиран за вакви потраги и акции на вода“,
соопштија од Центарот за управување со кризи (ЦУК).
Оттаму додаваат дека на местата вдолж течението на Вардар каде денеска се пребарувало имало густа крајбрежна вегетација што ја отежнувало потрагата.
Денеска потрагата, како што наведоа, се спроведува по направена координација на ЦУК со МВР, ДЗС, општините Гази Баба и Аеродром и Градот Скопје, како и со Црвениот крст. Неа ја спроведуваат специјализирани единици на МВР со чамец.