Турската Агенција за итни случаи и природни катастрофи соопшти дека земјотреси со јачина од 6,4 и 5,8 степени според Рихтеровата скала ја погодиле синоќа провинцијата Хатај и биле проследени со најмалку 32 последователни потреси
Во синоќешните земјотреси во Турција и Сирија загинаа најмалку 11 лица, јавија денеска локалните медиуми, додека се чекаат официјални податоци за бројот на жртвите.
Најмалку шест лица загинаа, а речиси 300 се повредени во двата земјотреса на југоистокот на Турција, пишува турскиот весник „Хуриет“.
Според весникот, повредени се најмалку 294 лица, од кои 18 се во тешка состојба, пренесе ТАСС.
Турската Агенција за итни случаи и природни катастрофи соопшти дека земјотреси со јачина од 6,4 и 5,8 степени според Рихтеровата скала ја погодиле синоќа провинцијата Хатај и биле проследени со најмалку 32 последователни потреси. Потресите се почувствувани и во Сирија, Кипар, Грција, Египет, Израел и Либан.
Во вчерашниот земјотрес во Сирија загинаа пет лица во неколку града, објавија арапски ТВ-станици.
Како што наведува Ал Арабија, четири лица загинале вчера во Сирија во стампедо предизвикано од паниката предизвикана од земјотресот во градовите Алепо и Тартус, а уште една жена го загубила животот во Латакија. Некои луѓе имале и срцев удар.
Terremoto M6.4 en frontera #Siria, #Turquia. (20.02.2023). #Sismo #temblor #Earthquake #zabedrosky pic.twitter.com/3ovZ13RIQD
— ⚠️Alerta Climática👽ᵘᶠᵒ (@deZabedrosky) February 20, 2023
Скај њуз Арабија објави дека луѓе скокале од прозорците од страв да не бидат затрупани под урнатините, пренесува ТАШ.
Медиумите засега различно известуваат за бројот на повредени во вчерашниот земјотрес во Сирија. Скај њуз објави дека повеќе од 100 луѓе се повредени во Латакија, а ТВ Ал Хадат јавува дека 470 луѓе се повредени низ цела Сирија, вклучувајќи ги и областите под контрола на опозицијата.
Според сеизмолозите, станува збор за последователен потрес по разорниот земјотрес на 6 февруари, во кој животот го загубија повеќе од 47 000 луѓе во Сирија и Турција.
another earthquake hit southern Turkey, a 6.4 on the Richter scale#TurkeyEarthquake #earthquakeinturkey #Syria_earthquake #earthquake pic.twitter.com/N8wZLjdqj4
— ✨ ᴹᵃʳⁱᵘᵐ ˢⁱᵈᵈⁱqᵘⁱ✨ (@DreamBi11496535) February 21, 2023