Точната причина за пожарот ќе се знае по истрагата на надлежните органи. На социјалните мрежи беа објавени снимки на кои се гледа како густ црн чад ја проголта зградата додека на местото на пожарот пристигнаа итните служби и пожарникарите
Во пожар кој вчера избувна во петкатна станбена зграда во Дубаи, загинаа најмалку 16 лица, а девет беа повредени, јавува Еј-би-си. Пожарот избувна во историскиот кварт Ал Мурар, во областа Деира.
Пожарот избувнал во саботата сред бел ден, на четвртиот кат од зградата Ал Рас во стариот кварт на градот, каде што живеат многу странски работници.
„Прелиминарната истрага покажува дека причина за пожарот е непочитување на безбедносните барања на објектот“,
се вели во соопштението на цивилната одбрана, кое го пренесоа медиумите.
Не е наведена националноста на жртвите.
16 people dead and 7 others injured in a massive fire that ripped through a residential building in #Dubai https://t.co/K8o2beVnii pic.twitter.com/lt3keiMfJb
— Arab News (@arabnews) April 16, 2023
Точната причина за пожарот ќе се знае по истрагата на надлежните органи. На социјалните мрежи беа објавени снимки на кои се гледа како густ црн чад ја проголта зградата додека на местото на пожарот пристигнаа итните служби и пожарникарите.
Во зградата има и голем број продавници.
Фото: EPA-EFE/ALI HAIDER