Федерални истражни тимови се испратени на местото на настанот за да помогнат да се утврди што го предизвикало излевањето на околу 14 000 барели сурова нафта кои се транспортирале од западна Канада
Повеќе екипи за итни случаи работат на чистење на истекувањето нафта од нафтовод што се случи во мала земјоделска заедница во Канзас. Тоа е најголемото излевање на нафта во САД во последните 10 години поради што на помош биле повикани екипи на итната помош од Мисисипи.
Непријатен мирис на нафта висеше во воздухот додека тракторските приколки несеа генератори и осветлување на местото на излевањето, изјави сведок за Ројтерс.
Федерални истражни тимови се испратени на местото на настанот за да помогнат да се утврди што го предизвикало излевањето на околу 14 000 барели сурова нафта кои се транспортирале од западна Канада, потврди неименуван официјален претставник.
Канадскиот оператор на гасоводот „ТЦ енерџи“ на 9 декември објави дека се развиваат планови за повторно активирање на нафтоводот „Кистоун“, кој ги снабдува американските рафинерии со околу 622 000 барели нафта дневно.
„ТЦ енерџи“, сепак, не даде попрецизни информации за тоа кога нафтоводот би можел повторно да биде ставен во функција.
Ова е трето излевање на илјадници барели сурова нафта од гасоводот „Кистоун“ откако беше отворен во 2010 година.