Властите во Сан Франциско минатата недела почнаа да ги „чистат“ населбите каде што зависниците од фентанил и хероин шетаат по улиците. Потегот на власта ги налути граѓаните, а снимките од исчистените улици станаа вирални на социјалните мрежи
Американските власти наредија центарот на Сан Франциско да се „исчисти“ од бездомници и зависници од дрога пред посетата на кинескиот претседател Си Ѓинпинг, што предизвика револт кај граѓаните кои со години се борат со драстично зголемување на криминалот во овој град.
Редиците шатори и купиштата ѓубре им го отстапија местото на чистите тротоари и црните метални огради, додека сомнителните типови кои отворено тргуваат и користат дрога никаде ги нема во последните денови, а пред почетокот на состанокот на Азиско-пацифичката економска соработка (АПЕК), кој започна во саботата и ќе трае до 17 ноември. Се очекува да присуствуваат до 30 000 луѓе.
So, they cleaned up San Francisco’s metro station a lot — removed the drug addicts and homeless, waxed the floor, cleaned the walls etc. for #XiJinping, But it still looks like third-world infrastructure compared to China. pic.twitter.com/p2dxz4ohgM
— Sociat USA ?? (@SociatUSA) November 14, 2023
Претседателот на Кина Си Ѓинпинг денеска пристигна во Америка и се очекува тој и Бајден да се сретнат на маргините на овој самит.
Се очекува двајцата претседатели, меѓу другото, да разговараат и за фентанилот, моќен синтетички опиум кој масовно се произведува во Кина, а кој предизвика повеќе од 100 000 смртни случаи за една година и ги претвори Филаделфија, Сан Франциско и Балтимор во градови „зомби“.
Властите во Сан Франциско минатата недела почнаа да ги „чистат“ населбите каде што зависниците од фентанил и хероин шетаат по улиците.
Downtown #SanFrancisco is packed with heavily armed police officers and barricades. The streets have been cleaned and the homeless have been moved out.
— Jason W (@jasonwillems) November 11, 2023
It’d be great if the city prioritized its residents’ safety even a fraction as much as it does for APEC summit attendees. pic.twitter.com/A3scvqmq6E
Потегот на Владата ги налути граѓаните.
„Тие ги расчистија сите дувла и шатори во близина на Центарот Москоне и улицата Хауард, што ми кажува дека градот можел да го направи ова одамна, но не го направи… Кога самитот ќе заврши, повторно ќе многу полиција и се ќе се врати како што беше. Ни треба трајно решение“,
изјави Ричи Ли Вејн, жител и активист на Сан Франциско.
Снимките од исчистените улици станаа вирални на социјалните мрежи.
San Francisco’s homeless population was entirely cleared out for Xi Jinping.
— End Wokeness (@EndWokeness) November 12, 2023
The government can easily fix our cities overnight. It just doesn’t want to.pic.twitter.com/tBGmWCbwtX
„Бездомниците во Сан Франциско исчезнаа поради Си Ѓинпинг. Владата може лесно да ги реши проблемите на нашите улици преку ноќ, но се чини дека не сака“,
„Ова е џиновски среден прст во лицето на жителите на Сан Франциско. Може да го исчисти градот за елитата, но не ги боли за обичните граѓани“,
коментираат револтираните граѓани.
Во август, на вработените во федералната зграда Ненси Пелоси им беше препорачано да работат од дома бидејќи дилерите и зависниците од дрога се собраа околу влезот и на соседните улици, правејќи ја областа небезбедна.
Но, бидејќи областа сега е оградена, наркодилерите и зависниците исчезнаа, правејќи пат за вработените безбедно да се вратат.
„Претседателот доаѓа, улиците мора да изгледаат поубаво“,
изјави еден бездомник за „Њујорк тајмс“.
Резидентот и сопственик на бизнис Адам Месник изјави за „Њујорк пост“ дека во текот на изминатата недела видел привремени станови за некои од бездомниците кои се појавувале во хотелите.
„Тие само суштински се справуваат со проблемот, но не нудат долгорочни решенија. Јас сум стациониран надвор од она што тие го сметаат за ‘зона на ограничување’ за АПЕК, така што проблемот се турка во мојата област, која е веќе прилично заситена со зависници од дрога и дилери. Не знам дали овие шатори ќе бидат физички видливи за време на состанокот на АПЕК, но ќе биде практично невозможно сите да се елиминираат“,
вели Месник.
Today China president Xi is visiting San Francisco, USA. Just for this event americans cleared streets from homeless and drug addicts. pic.twitter.com/6Ezow6bKPd
— ZOKA ???? (@200__zoka) November 15, 2023
Предозирањето со фентанил останува главен проблем во Сан Франциско. Се очекува градот да има рекордна година за фатални предозирања и е на пат да достигне 800 смртни случаи оваа година, според бројките објавени минатиот месец од Канцеларијата на главниот медицински истражител.
„Од јануари до септември имало вкупно 620 смртни случаи од предозирање. Тоа значи дека во просек двајца луѓе умираат од предозирање со фентанил секој ден“,
рече директорката на Службата за бихејвиорално здравје во Сан Франциско, д-р Хилари Кунинс.
Зборувајќи за „Њујорк тајмс“, градските власти рекоа дека се надеваат оти конференцијата на АПЕК ќе биде катализатор за да му помогне на Сан Франциско да се опорави од егзодусот на трговците на мало и технолошки работници и порастот на криминалот.
„Ова е огромна можност и имаме сè детално испланирано“, изјави Арон Пескин, претседател на Надзорниот одбор на Сан Франциско.
Во меѓувреме, градот додаде уште 300 кревети во своите засолништа, но не е јасно колку од нив ќе бидат достапни за времетраењето на АПЕК.