Претходно во јули годинава Србите од северот на Косово, исто така, ги блокираа патиштата во северниот дел од земјата поради одлуката на косовските власти за стапувањето во сила одлуките за пререгистрација на возилата со српски регистарски ознаки и за менување на личните документи
На граничниот премин „Јариње“ утрово е уапсен Дејан Пантиќ (56) од Косовска Митровица, Србин кој бил интегриран припадник на косовската полиција. Во знак на протест, а за да не биде одведен во Приштина, Србите од северот на Косово се собираат и поставуваат барикади, објави информативниот портал „Косово онлајн“.
Како што наведува порталот, Србите од Лепосавиќ и Северна Митровица не сакаат да дозволат уапсениот да биде однесен во Приштина.
Насобраните на новинарите им рекле дека тој е човек без дамка во кариерата, кој не учествувал во воените дејствија во Косово.
Голем број граѓани се собрале на влезот и излезот од Лепосавиќ, во Сочаница, Лешко, а неколку стотици граѓани се собрале и во Рудар кај Звечан, како и во Србовац.
Според известувачите од теренот, од момент во момент се зголемува бројот на насобраните, а во Северна Митровица и Звечан се огласиле и сирените за тревога.
Како што наведува порталот, Пантиќ, кој неодамна ја напуштил косовската полиција, кога Србите ги напуштија институциите, денеска е уапсен на граничниот премин додека се враќал од правец на Рашка, а во моментот на апсењето бил со сопругата.
Претходно во јули годинава Србите од северот на Косово, исто така, поставија барикади на патиштата во северниот дел од земјата поради одлуката на косовските власти за стапувањето во сила одлуките за пререгистрација на возилата со српски регистарски ознаки и за менување на личните документи.