Едно лице загина во Илиноис на хеви метал концерт, додека три жртви има во сојузната држава Арканзас
Серијата силни торнада што вчера зафатија неколку сојузни држави во САД однесоа најмалку четири жртви.
Едно од лицата загинало при уривање на покрив на сала во Илиноис каде што се одржувал хеви метал концерт.
Станува збор за салата „Аполо“ во Белвидер во која имало 260 луѓе. Десетици лица, како што јавуваат американските медиуми, се повредени.
Roof collapses during concert by Morbid Angel at the Apollo Theatre in Belvidere, Illinois.
— Crime With Bobby (@crimewithbobby) April 1, 2023
There are reports of multiple victims#morbidangel #apollotheatre #belvidere #illinois #tornado #storm #weather #breakingnews pic.twitter.com/ptmYoSkm4o
Торнадата силно ги погодиле и државите Арканзас и Мисури каде што десетици илјади жители останале без струја, а властите прогласија вонредна состојба.
Во главниот град на Арканзас, Литл Рок, имаше превртени автомобили, оштетени покриви и паднати дрвја. Локалните власти соопштија дека едно лице загинало, а над 20 се повредени.
Гувернерката на Арканзас, Сара Хакаби Сандерс, пак, потврди дека има уште две жртви во градот Вин, кој е на околу 170 километри од Литл Рок.
Овие смртоносни торнада доаѓаат само една недела откако во невреме загинаа 26 луѓе во Мисисипи.
Little Rock tornado at CLOSE RANGE in Chenal… Video from Jc McInnis pic.twitter.com/9df6nYKYMC
— James Bryant (@KATVJames) April 1, 2023