Драматични видеа, објавени на социјалните мрежи, сведочат како надојдените води ги поплавуваат улиците и влечат паркирани автомобили со себе. За среќа, според надлежните, нема настрадани лица
Силно невреме со пороен дожд денеска попладне ги зафати Кикладите (група острови) во Егејското море, а најпогодени се островите Парос и Миконос каде улиците се претворија во реки од предизвиканите поплави, јави МИА од Атина.
Поради последиците од невремето надлежните власти испратиле пораки до жителите и посетителите на осторовите со кои ги информирале дека е забранет сообраќајот за сите возила, освен за оние за итни случаи.
Надлежните на Парос и Миконос, соопштиле дека утре училиштат и на двата острови ќе останат затворени.
Драматични видеа, објавени на социјалните мрежи, сведочат како надојдените води ги поплавуваат улиците и влечат паркирани автомобили со себе.
SOS 🆘 Devastation in the Cyclades! A catastrophic storm hits Paros, Greece. Naoussa streets turned to rivers, cars swept away, landslides blocking roads. Mayor Bizas on ANT1: “Rain since 3 p.m., drivers trapped.” Videos show the chaos. pic.twitter.com/MOvs5ABVpp
— Greek City Times (@greekcitytimes) March 31, 2025
Градоначалникот на Парос, Костас Бизас за грчката телевизија ЕРТ рекол дека невремето започнало околу 15 часот и предизвикало проблеми на повеќе патни мрежи, а најпогоден е градот Науса каде што се излеала реката.
За среќа, како што посочил, нема повредени лица.
Од бројот за итни случаи – 112 била испратена порака со која ги повикале жителите и посетителите на Парос „поради опасните временски појави што го зафатија островот, како и големите штети што се предизвикани на патната мрежа, да не се сообраќаат по патната мрежа“.
„Оштетувањата на патната мрежа опфаќаат одрони, поплави и уривања на делови од мрежата, што го прави сообраќајот опасен. Општината во соработка со надлежните служби прави максимални напори за справување со вонредната состојба. Се молат сите жители и посетители на островот да ги следат упатствата на надлежните органи“,
соопштиле од општината, а кусо подоцна преку ново соопштение информирале и дека сите училишта на островот ќе останат затворени.
Just in | Flooding Devastates Greece
— Weather Monitor (@WeatherMonitors) March 31, 2025
Destructive floods sweep through Naousa, Paros, Greece, carrying away cars and leaving a trail of destruction. pic.twitter.com/HHTIWMthqd
Пораки да останат во своите домови додека трае невремето, како и информација за училиштата била испратена и до жителите на Миконос.
„Ги повикуваме граѓаните да останат смирени, да ги следат упатствата и да соработуваат со надлежните“,
соопштија надлежните на Миконос.
Проблеми, но од помали размери, имало и на островот Сирос.