Меѓународната агенција за атомска енергија (МААЕ) објави дека разговарала со украинското раководство и ѝ било кажано дека „суштинската“ опрема во централата сè уште функционира
Украинскиот претседател Володимир Зеленски пред неколку часа ги повика другите нации веднаш да преземат поголема акција против „нуклеарниот терор“ на Путин
Украинските служби за итни случаи го изгаснаа пожарот што избувна во нуклеарната централа Запорожје по рускиот напад, јавува Би-би-си.
Според информациите, една од зградите во рамките на комплексот се запалила, па се стравувало дека пожарот може брзо да се прошири.
Украина во раните утрински часови соопшти дека рускиот напад на нуклеарната централа предизвикал пожар на една од зградите во централата – објект за обука на пет ката. Самата централа не е зафатена, но се стравуваше дека пожарот може да се прошири доколку не биде брзо локализиран.
Украинските служби за итни случаи соопштија дека првично биле блокирани да стигнат до местото на настанот, но пожарот бил изгаснат околу 5.20 часот по локално време.
На социјалните мрежи се појавија видеа од надзорните камери на кои се гледа раккетирањето и пожарот.
⚡️This is what the situation at the #Zaporizhzhia NPP looks like right now pic.twitter.com/1q5qguBMLs
— NEXTA (@nexta_tv) March 3, 2022
⚡️⚡️⚡️Surveillance cameras captured moments of the shelling of the #Zaporizhzhia NPP pic.twitter.com/ZNLX4pZeXI
— NEXTA (@nexta_tv) March 4, 2022
Украинската државна служба за итни случаи извести дека условите за безбедност од радијација и пожар во нуклеарната централа Запорожје се „во граници на нормалата“.
„Од 02:26 часот во градот Енергодар во АЕЦ Запорожје, третиот блок е исклучен од единствениот енергетски систем (работи само блок 4). Од шесте блока моментално работи еден. Условите за безбедност од радијација и пожар во нуклеарната централа се во нормални граници“,
се вели во информацијата.
Андреј Туз, портпарол на нуклеарната централа Запорожје, изјави за Би-би-си дека гранатирањето засега престанало, но ситуацијата е крајно неизвесна.
„Бомбардираа сè што можеа, вклучително и блоковите и сè друго. Тешко е да се каже, сè уште ги собираме сите информации. Бел автомобил тргна кон влезната рампа, трепкајќи со фаровите. Сега се утврдува дали ќе започнат преговори или што ќе се случува натаму“,
рече Туз.
По извршениот увид во петкатницата за обука на нуклеарната електрана Запорожје во Енергодар, констатирано е дека гореле просториите на третиот, четвртиот и петтиот кат. Жртви нема.
Градоначалникот на Енергодар Дмитриј Орлов информира дека има повредени во судирите кај нуклеарната централа Запорожје.
Во гаснењето на пожарот во АЕЦ Запорожје учествувале 40 лица и 10 парчиња опрема, соопшти Министерството за вонредни ситуации на Украина.
Евакуација на жителите на Енергодар нема да има поради ситуацијата во АЕЦ Запорожје. Сепак, веќе се подготвува план за евакуација затоа што инфраструктурата е уништена и руските војници се присутни на терен.
Во меѓувреме, украинските власти соопштија дека руските војници ја зазеле нуклеарната централа.
„Оперативниот персонал ја следи состојбата на енергетските единици“,
соопшти локалната власт на социјалните мрежи, цитирана од новинската агенција Ројтерс.
Украинскиот претседател Володимир Зеленски пред неколку часа ги повика другите нации веднаш да преземат поголема акција против „нуклеарниот терор“ на Путин.
Тој ги повика Европејците да се „разбудат“ со изгледите за глобална катастрофа како што е нуклеарното топење во Чернобил во 1986 година, и рече дека Русија е првата земја во историјата што се обидела да бомбардира нуклеарна централа.
Тој упати повик до светските лидери да се разбудат и да ја спречат Европа „да умре од нуклеарна катастрофа“ откако најголемата централа на континентот се запали по гранатирањето.
„Ниту една земја освен Русија никогаш не пукала врз објекти за нуклеарна енергија. Ова е првпат во нашата историја. Во историјата на човештвото. Терористичката држава сега прибегна кон нуклеарен терор“,
рече тој во видео порака.
Меѓународната агенција за атомска енергија (МААЕ) објави дека разговарала со украинското раководство и ѝ било кажано дека „суштинската“ опрема во централата сè уште функционира.
„Украина и соопшти на МААЕ дека пожарот во округот на нуклеарната централа Запорожје не влијаел на суштинската опрема, персоналот на централата презема мерки за ублажување“,
објави агенцијата на Твитер.
#Ukraine tells IAEA that fire at site of #Zaporizhzhia Nuclear Power Plant has not affected “essential” equipment, plant personnel taking mitigatory actions.
— IAEA – International Atomic Energy Agency (@iaeaorg) March 4, 2022