Шефот на регионалната полиција Володимир Тимошко за јавниот сервис Суспилна изјави дека едниот проектил удрил во патот, а другиот во трикатна станбена зграда. На два ката од болницата спроти зградата избувнал пожар, но бил изгаснат
Два руски проектили погодија станбена зона во центарот на Харков, при што се повредени 17 лица, од кои две потешко, а тешко се оштетени куќи, информираат тамошните власти.
Спасувачките екипи пребаруваат низ купишта урнатини, изјави градоначалникот велејќи дека слушнал две силни експлозии. Според него, најмалку 10 стана се оштетени.
Шефот на регионалната полиција Володимир Тимошко за јавниот сервис Суспилна изјави дека едниот проектил удрил во патот, а другиот во трикатна станбена зграда. На два ката од болницата спроти зградата избувнал пожар, но бил изгаснат.
Aftermath of the brutal night bombardment by russia in central Kharkiv, 17 people were injured. Two women are critically injured. Additionally, 12 individuals are receiving hospital treatment for moderate to minor injuries.
— Saint Javelin (@saintjavelin) January 17, 2024
Bastards will pay for this.
vid cred @suspilne_news pic.twitter.com/ppVcWsjYG6
Две жени тешко повредени
Регионалниот гувернер на Харков, Олег Синехубов, на апликацијата Телеграм напиша дека 12 повредени лица се во болница, меѓу кои и две жени кои се тешко повредени.
Градоначалникот на Харков, Игор Тереков, на Телеграм информира дека проектилите погодиле точно онаму каде што нема воена инфраструктура и точно каде што всушност има резиденцијални објекти.
„Има најмалку 10 оштетени згради. Спасувачките екипи продолжуваат да копаат низ урнатините. А има многу урнатини“,
напиша Тереков на Телеграм.
KHARKIV NOW.
— Alice Zhuravel (@AliceZhuravel) January 17, 2024
Russia attacked my city. Hit the house where just local people lived. Rescuers are on the site, at this moment 17 victims. pic.twitter.com/MyybeSNefd
Вториот по големина град во Украина, Харков, на североистокот на земјата, беше честа цел на напади, но во периодот од речиси две години конфликт, градот не падна во рацете на Русија. Минатата недела руски ракети погодија хотел во градот, при што беа повредени 11 лица.