При средбата со лидерите од Западен Балкан, германската канцеларка им рече дека нејзина желба била да ги посети сите земји, но тоа е невозможно во овие услови бидејќи за тоа се потребни 4-5 дена
Во име на Албанија, премиерот Еди Рама ја одликува германската канцеларка Ангела Меркел со орден со голема ѕвезда во знак на јавна благодарност, која е во последна посета на регионот пред заминувањето од функцијата.
„ДАНКЕ АНГЕЛА. Посебно задоволство е да ве обликувам во име на Албанија со орден со голема ѕвезда во знак на јавна благодарност“,
пишува Рама.
Канцеларката Меркел по пристигнувањето имаше одвоена средба со Рама, се сретна со премиерите на шесте земји од Западен Балкан, а планирани се средби одделно со секој од нив.
Зборувајќи со нив, Меркел истакна дека нејзина желба била да ги посети сите земји, но тоа е невозможно бидејќи за тоа се потребни 4-5 дена, и му се заблагодари на премиерот Еди Рама за организирањето на оваа средба во Тирана.
Средбата се одржува во „Бизнис Парк“-Тирана, што е најнова германска инвестиција во Албанија.
Целта на посетата на канцеларката Меркел на Тирана е регионалната соработка и главно имплементацијата на заедничкиот регионален пазар, иницијатива во рамки на Берлинскиот процес.