Градоначалничката на Лос Анџелес, Карен Бас, најостро го осудила насилството на протестите на универзитетот УКЛА, но пропалестинските демонстранти тврдат дека универзитетот не го спречил насилството и им дозволил на контрадемонстрантите да ги нападнат со спрејови, боздогани, штици, тули и петарди
Над 300 студенти биле приведени на протестите кои се одржуваат на повеќе од 30 американски студентски кампуси, во знак на револт поради зголемениот број жртви во војната во Газа, барајќи тамошните универзитети да ја прекинат соработката со компаниите кои работат со Израел, пренесува Асошиејтед прес.
На универзитетот во Лос Анџелес, познат како УКЛА, пак, избувнале судири со контрадемонстрантите кои нападнале пропалестински кампус. На овој универзитет денеска не се одржуваат часови.
Ова се смета за убедливо најголемиот студентски протест во САД во 21 век, а според американските медиуми, полициската реакција потсетува на сцени од 1960-тите кога имало студентско движење во форма на протест против Виетнамската војна.
Градоначалничката на Лос Анџелес, Карен Бас, најостро го осудила насилството на протестите на Универзитетот УКЛА, но пропалестинските демонстранти тврдат дека универзитетот не го спречил насилството и им дозволил на контрадемонстрантите да ги нападнат со спрејови, боздогани, штици, тули и петарди.
Los Angeles Police Department officers have arrived on the UCLA campus amid protests and reports of clashes there, L.A. Mayor Karen Bass tweeted early Wednesday. “The violence unfolding this evening at UCLA is absolutely abhorrent and inexcusable,” she said.
— The Washington Post (@washingtonpost) May 1, 2024
Live updates here:… pic.twitter.com/2EKtQVuuJx
На Универзитетот во Аризона, пак, морало да се употреби хемиска муниција за да се растури протестот.
Според Асошиејтед прес, конфликтните групи на УКЛА се туркале, клоцале и се тепале со стапови, а таквата состојба траела со часови. Потоа се појавила полицијата со шлемови и штитови, која почнала полека да ги раздвојува демонстрантите и контрадемонстрантите и да го смирува конфликтот. И во текот на денот се очекува полицијата да има распоредено свои екипи на овој кампус.
Police Surround Protesters on USC Campus
— Los Angeles Magazine (@LAmag) April 25, 2024
▪️ Pro-Palestinian demonstrators arrested
▪️Campus shut to outsiders amid scuffles
▪️Protesters decry Israel’s actions in Gaza
▪️U.S. House condemns popular protest chant as antisemitic pic.twitter.com/MLNvJdOX22
Универзитетот „Браун“ направил голема отстапка пред демонстрантите, постигнувајќи договор со нив да ги отстранат кампусите во замена за формирање тело кое ќе гласа за евентуално прекинување на соработката со компании од Израел.
Поранешниот американски претседател Доналд Трамп рекол дека антисемитизмот ја обзема Америка и го критикувал актуелниот претседателот Џо Бајден за неговата неактивност по ова прашање.
Портпаролката на Белата куќа, Карин Жан-Пјер на прес-конференција рече дека студентите имаат право да посетуваат настава и да се чувствуваат безбедно.
„Ќе продолжиме да нагласуваме дека антисемитизмот мора да биде осуден“, рече таа.