Од МВР потврдија дека се повредени двајца полициски службеници кои се хоспитализирани, а едно лице е приведено кај кое е пронајден чекан и камења
Додека демонстрантите поминуваа кај плоштадот Скендер бег дојде до судир со лица кај Старата Чаршија, летаа камења и други предмети, искршени се излози, поради што интервенираше и полицијата
Демонстрантите кои денеска петти ден протестираат во Скопје против францускиот предлог за решавање на проблемот со Бугарија и отворање на преговорите со ЕУ, пред малку пред Собранието на металните барикади поставија плакат со фотографии на пратениците од мнозинството, на кое пишуваше „Предавници“, по што за кратко и го запалија.
Протестот насловен како „Ултиматум – не благодарам“ започна од Владата, па преку МНР до Собранието.
Додека демонстрантите поминуваа кај плоштадот Скендер бег дојде до судир со лица кај Старата Чаршија, летаа камења и други предмети, искршени се излози, поради што интервенираше и полицијата.
Вечерва пред Собранието демонстраните повторно фрлаа со предмети и димни бомби.
Од МВР потврдија дека се повредени двајца полициски службеници кои се хоспитализирани.
Според полицијата, приведено е и едно лице кое се движело кон Собранието носејќи чекан и камења со себе.
Во еден момент дојде до мешаница меѓу демонстранстраните, но брзо беа разделени лицата кои дојдоа во конфликт.