Полицијата во Хамбург преку објава на Твитер соопшти дека во тек е голема полициска операција во квартот Алстердорф и дека се трага по сторителот или сторителите и се работи на откривање на мотивите за нападот
Неколку лица се убиени и ранети во вооружен напад што вечерва се случил во црква во северниот германски град Хамбург, пренесе Ројтерс, повикувајќи се на локални медиуми.
Засега нема прецизни информации за точниот број на убиени. Според некои локални медиуми, во нападот животите ги загубиле најмалку шест лица, но засега нема официјална потврда на овие наводи.
Хамбуршки „Моргенпост“ јавува дека во пукањето наводно седум лица се тешко повредени, а 17 полесно.
BREAKING: One or more people opened fire in a church in the northern German city of Hamburg on Thursday evening, authorities say, with local media reporting several people killed. https://t.co/EIKTbHJU14
— The Associated Press (@AP) March 9, 2023
Полицијата во Хамбург преку објава на Твитер соопшти дека во тек е голема полициска операција во квартот Алстердорф и дека се трага по напаѓачите и се работи на откривање на мотивите за нападот, но повеќе детали не се соопштуваат.
„Засега нема сигурни информации за мотивот на злосторството. Ве молиме да не споделувате неверодостојни претпоставки и/или да ширите гласини“,
велат од полицијата.
Nach ersten Erkenntnissen wurde in einer Kirche in der Straße Deelböge im Stadtteil #GroßBorstel geschossen. Dabei wurden mehrere Menschen schwer verletzt, einige sogar tödlich. Wir sind mit einem Großaufgebot an Kräften vor Ort. Weitere Informationen folgen. #schießerei #h0903
— Polizei Hamburg (@PolizeiHamburg) March 9, 2023
Градските власти соопштија дека пукањето се случило во црквата Грос Борстел во Хамбург и ги предупредиле граѓаните да ја избегнуваат областа.
Според локалните медиуми, црквата им припаѓа на Јеховините сведоци.
Како што јавуваат медиумите, сторителите се во бегство, а на местото се присутни екипи на Итната помош.
Според информацијата што била испратена до населението преку федералната апликација за предупредување NINAwarn, нападот се случил околу 21 часот и „еден или повеќе непознати сторители пукале во луѓе во црква“, пренесува Би-би-си.