Ветрот откорна покрив од зграда, кој падна врз автомобил на улицата „Леринска“. Нема информации за повредени, но направена е материјална штета. Ветрот урна и ограда на градежен плац во старата битолска касарна
Битолчани и денеска ги расчитуваат последиците од силниот ветер што вчера го зафати градот и одвеа покриви, сруши огради и откорна дрвја.
Според Управата за хидрометеоролошки работи (УХМР), ветрот бил со брзина од над 65 километри на час и дувал со силен интензитет сè до ноќта.
Ветрот откорна покрив од зграда, кој падна врз автомобил на улицата „Леринска“. Нема информации за повредени, но направена е материјална штета. Ветрот урна и ограда на градежен плац во старата битолска касарна.
Градоначалникот Тони Коњановски ги посети локациите на кои ветрот ги вознемири битолчани. Информира дека екипите на локалните јавни претпријатија и пожарникарите ќе извршат санација на местата каде што е предизвикана штета. Од општина Битола информираа дека надлежните екипите дејствувале координирано и работеле на расчистување на теренот.
Од УХМР денеска информираа дека од синоќа дува умерен, вдолж Повардарието засилен ветер од северен правец (над 70 километри на час). Засилен ветер особено вдолж Повардарието ќе има до крајот на денот.