Земјата е зафатена од обилни дождови и континуирани ветрови со брзина од над 170 км/ч
Опасниот ураган „Идалија“, кој сега е категоризиран како ураган од втора категорија, пристигна на копното на Флорида, оставајќи илјадници жители без струја.
Ураганот „Идалија“, додека патува низ северна Флорида ослабна до втора категорија, но неговата сила и понатаму е застрашувачка. Земјата е зафатена од обилни дождови и континуирани ветрови со брзина од над 170 км/ч.
Incredible #Idalia storm surge 6’ and counting here at Cedar Key, FL pic.twitter.com/8MzaHJpWce
— Jim Cantore (@JimCantore) August 30, 2023
Претходно „Идалија“ го погоди западниот брег на Флорида како моќна бура од трета категорија. Тоа е најсилниот ураган што стигнал до областа Биг Бенд во повеќе од 125 години, а пред да стигне на копно, накратко се засили во исклучително опасен ураган од четврта категорија.
Претходно беа издадени наредби за евакуација на речиси 12 милиони луѓе во централна и северна Флорида и југоисточна Џорџија, а гувернерот на Флорида, Рон Десантис, ги предупреди жителите сериозно да ги сфатат предупредувањата за евакуација, пишува Си-ен-ен.
Water as far as the eye can see! #Idalia Cedar Key, FL pic.twitter.com/7D6rXfMMax
— Jim Cantore (@JimCantore) August 30, 2023
Во првите извештаи за ураганот веќе се наведуваат проблеми со пристапот до евакуираните области, при што многумина се заробени во своите домови. Ураганот предизвикува поплави вдолж крајбрежните области и остави повеќе од 230 000 жители на Флорида без струја. Таа бројка постојано расте.
Storm surge causing structural damage and blowing out the doors of condo complex in Cedar Key, FL from Hurricane Idalia @accuweather pic.twitter.com/WAJgBtZtku
— Reed Timmer, PhD (@ReedTimmerAccu) August 30, 2023
Инаку, „Идалија“ е третиот ураган што ја погоди Флорида во последната година, по ураганот „Иан“ во септември 2022 година и ураганот „Никол“ во октомври 2022 година.