Облак дебел седум километри помина над Истанбул. Во меѓувреме, сонцето исчезна пет минути, а денот се претвори во ноќ, објави турскиот метеоролошки форум „Хава форум“
Пред неколку дена голем црн облак поминал над Истанбул и денот го претворил во ноќ, пишува „Њузвик“.
Снимките на социјалните мрежи, од 18 април, покажуваат како Истанбул станал темен како ноќ, иако било среде бел ден.
„Облак дебел седум километри помина над Истанбул. Во меѓувреме, сонцето исчезна пет минути, а денот се претвори во ноќ. Некои коментираа дека доаѓа апокалипсата“,
објави турскиот метеоролошки форум „Хава форум“ на Твитер, споделувајќи го видеото.
İstanbul’un üzerinden 7 kilometre kalınlığında bir bulut geçti. Bu esnada 5 dakikada güneş yok oldu, gündüz geceye döndü. Bazı insanlar kıyamet yorumu yaptı. İşte o anlar… 👀 pic.twitter.com/BmJlbSMX5U
— Hava Forum (@HavaForum) April 18, 2023
Од „Хава форум“ велат дека потоа почнал силен дожд.
„Кумулонимбусните облаци се познати и како облаци со грмотевици. Тие често имаат многу темна, ниска основа, достигнувајќи само неколку стотини стапки над земјата“,
објаснуваат од метеоролошката канцеларија на Обединетото Кралство, пренесува „Њузвик“.
Кумулонимбусните облаци се единствените облаци кои произведуваат грмежи и молњи, а водат и до обилни врнежи. Тие можат да изгледаат екстремно темни бидејќи пропуштаат многу малку или воопшто не пропуштаат светлина.