Филмот „Медена земја“ е веќе дел од македонската историја, зашто на една рака се бројат делата од македонски автори кои биле номинирани за „Оскар“. По краткиот документарец на Столе Попов „Дае“ во 1979 година и „Пред дождот“ на Милчо Манчевски во 1995, „Медена земја“ е третиот филм со македонско авторство, прв со две номинации, кој на доделувањето на Оскарите на 9. февруари влегува со надеж дека може да ја освои првата златна статуетка за земјава.
Филмот е сниман во речиси недопрената дивина на Овчеполието, во и околу селото Бекирлија.
По долго патување до Бекирлија стигнавме и ние, за да разговараме со ѕвездата на филмот Атиџе и да ги слушнеме нејзините впечатоци за сѐ што се случува и се случувало со Медена земја.
Разговаравме и со еден од кинематограферите на документарецот, Фејми Даут. Колку време и како се снимаше „Медена земја“, дали сите сцени од филмот се реалност, какви се очекувањата по двете историски номинации, погледнете во видеото.