Како што забележа камерата на „360 степени“ поддржувачи на ДУИ се движат од Бит-пазар кон плоштадот „Скендербег“ извикувајќи го името на Артан Груби
Кордон од полицајци застана пред штабот на коалицијата „Вреди“ на плоштадот „Скендербег“ во Скопје.
Како што забележа камерата на „360 степени“ поддржувачи на ДУИ се движат од Бит-пазар кон плоштадот „Скендербег“ извикувајќи го името на Артан Груби.
Се слушаат сирени и свирежи.
Поддржувачите на ДУИ веќе се пред штабот на „Вреди“. Тие ја слават победата на нивниот претседателски кандидат Бујар Османи со огномет.
Од обработени 68,9% избирачки места, Османи во моментов, според податоците на ДИК, има освоено 90 642 гласа, а неговиот противкандидат Арбен Таравари од „Вреди“ има освоено 65 503 гласа.