На интернет-платформата Јутјуб вчера е објавен видеозапис од тешката сообраќајна несреќа што се случи на регионалниот пат Куманово – Свети Николе, близу селото Скачковце. Во судирот меѓу две возила, „шевролет спарк“ и „бе-ем-ве“, беа повредени четири лица.
Ова ретко видео од македонските патишта покажува како неодговорното возење го загрозува животот на сите учесници во сообраќајот.
Настанот го имаше и во денешниот билтен на МВР.
„На 19.07.2020 околу 15:00 часот на регионален пат Куманово – Свети Николе, кај с. Скачковце, се случила сообраќајна незгода помеѓу патничко возило ‘шевролет спарк’, со кумановски регистарски ознаки, управувано од М.З. (21) од с. Скачковце, Кумановско, и патничко возило ‘бе-ем-ве’, со кумановски регистарски ознаки, управувано од Ш.Ш. (30) од Куманово. По незгодата, Ш.Ш., М.З. и сопатниците од патничко моторно возило ‘бе-ем-ве’, Г.Ш. (31) и Н.Ш. (62), двајцата од Куманово, биле пренесени во Клиничка болница Куманово за укажување лекарска помош. Увид на местото на незгодата извршила екипа од СВР Куманово“,
стои во дневниот билтен на МВР.