(ВИДЕО) Објавен последниот разговор меѓу шефот на станицата и машиновозачот пред судирот на двата воза во Грција

Се верува дека шефот на станицата, без да знае за тоа, му дал на машиновозачот „зелено светло“ да се престрои на друг дел од пругата, на кој веќе сообраќал товарниот воз

Објавени се разговори меѓу шефот на станицата во Лариса и машиновозачот на патничкиот воз Интерсити 62, кој во вторникот вечерта се судри со товарен воз во близина на тој град.

Во несреќата загинаа најмалку 43 лица, а повеќе од 80 се повредени.

Бројот на жртви во Грција се искачи на 43 – насилни протести во Атина

Се верува дека шефот на станицата, без да знае за тоа, му дал на машиновозачот „зелено светло“ да се престрои на друг дел од пругата, на кој веќе сообраќал товарниот воз.

Машиновозачот не внимавал на црвеното светло пред него, бидејќи сигнализацијата не функционирала подолго време. Згора на тоа, според извори од железницата, шефот на станицата не бил ни свесен дека возот излетал од шините, па не можел да ја поправи грешката во следните минути.

Како течеше разговорот меѓу машиновозачот и станицата

Машиновозач: „Лариса, дали се слушаме“.
Шефот на станицата: Слушам. На бројот 47 поминувате на црвениот излезен семафор до новиот влезен семафор на Порос.
Возачот: Василиј, да одам?
Шефот на станицата: Оди, оди.
Возач: Добро, пријатна вечер.
Шефот на станицата: Среќно.
Вработен во железничката станица: Василиј, да се вратам?
Шефот на станицата: Не, не вака затоа што доаѓа 1564.
Вработен во железничката станица: Готово, во ред, ќе го оставам дијагонално како што е.

Има индиции дека во тој кобен ден имало голем број технички проблеми, поради што некои делови од пругата биле затворени.

Шефот на станицата, откако првично тврдеше дека го „заклучил“ возот на вистинската пруга „но не го послушал системот“, ја признал својата фатална грешка и се соочува со сериозно обвинение за убиство од небрежност.