Погледнете го новото магазинско издание на емисијата „360 степени“ емитувано на 13 јуни 2024 г. на МРТ 1
Во ова издание донесуваме:
– Претседателот и премиерот не се обични граѓани, за нив употребата на уставното име не е лично прашање – вели заменик-министерката за надворешни работи на Грција, Александра Пападопулу, во интервју за „360 степени“, како одговор на ставот на Силјановска-Давкова и на Мицкоски дека го почитуваат Договорот од Преспа, но и дека имаат право земјава усно да ја нарекуваат Македонија;
– По изјавата на министерот за правда во заминување Кренар Лога дека судницата до затворот „Идризово“, изградена со пари од ЕУ и САД, е промашена инвестиција, од Делегацијата на Европската Унија очекуваат властите целосно да ја искористат помошта што ни ја дава Унијата;
– Со стендап-фестивал „Не е смешно“ против корупцијата;
– Работници од Непал, Бангладеш и Филипини по охридските хотели и ресторани; но, колку е лесна или тешка процедурата да се увезе работна сила од странство;
– По ангажирањето приватен партнер, во Тетово поредовно се празнат контејнерите, но наплатата се уште се „сетира“;
-Нова „Саботажа“.