Погледнете го новото издание на емисијата „360 степени”, емитувано на 29 јануари 2024 г. на МРТ 1, во кое гостува новоизбраниот претседател на Собранието Јован Митрески
Направив консултација со ДИК и имам конечен заклучок дека претседателските избори ќе ги распишам на 14 февруари, а планот ми е на истиот ден да ги распишам и парламентарните избори – вели претседателот на Собранието, Јован Митрески, кој гостува во новото издание на емисијата „360 степени“ на МРТ 1. Во интервјуто, Митрески одговара и на прашања за непополнетото место во ДИК и дали и какви измени ќе има во Изборниот законик. Го прашуваме и што значат превирањата во Алијанса за Албанците за функционирањето на Собранието и што ако дојде предлог за разрешување на одреден министер или министри од оваа партија. Тема се и случувањата во Собранието за време на седницата за избор на техничката влада и причините за отворање на посебниот дел од ложата за новинарите гости од Косово и од Албанија.