Погледнете го новото издание на емисијата „360 степени”, емитувано на 31 март 2025 г. на МРТ 1, во кое гостува министерот за здравство и еден од лидерите на коалицијата ВЛЕН, Арбен Таравари
Министерот за здравство и еден од лидерите во коалицијата ВЛЕН, Арбен Таравари, кој гостува во новото издание на емисијата „360 степени” на МРТ 1, го критикува начинот на кој ВЛЕН функционира во Владата, оценувајќи го за „тромо“ и со „многу недостатоци”. Впечаток на народот е дека ВЛЕН има многу слаба позиција во Владата, вели Таравари во интервјуто. Ваквите негови ставови доаѓаат во период кога ВЛЕН не успева да се усогласи дали ќе настапи заеднички на локалните избори. Таравари го прашуваме дали е поблиску до одлука за самостоен настап или заедно со ВЛЕН, како ги коментира споредбите со Луј 14-ти, има ли контакти и понуда за соработка од ДУИ, каква е улогата на Албин Курти и на Еди Рама во актуелниот контекст.