Погледнете го новото издание на емисијата „360 степени”, емитувано на 18 мај 2026 г. на МРТ 1, во кое гостува претседателот на СДСМ, Венко Филипче
„Тоа е игра на теренот на државата и на граѓаните. Нема друг пат оваа држава освен европскиот“, рече Венко Филипче, одговарајќи на прашањата – зошто СДСМ инсистира на темата за уставните измени и дали тоа не е игра на теренот на ВМРО-ДПМНЕ. Филипче, кој гостува во новото издание на емисијата „360 степени” на МРТ 1, ги обвини ВМРО-ДПМНЕ и медиумите блиски до неа дека шират пропаганда по „Гебелсови принципи“ и за европските интеграции и за него лично. На забелешката дека рејтингот на ВМРО-ДПМНЕ е сè уште повисок од оној на СДСМ, тој коментираше: Трендовите покажуваат дека ВМРО веќе сериозно губи поддршка, ЗНАМ речиси и да го нема, а ние растеме постепено. Тема во интервјуто се и внатрешните состојби во СДСМ и прашањето за влијанието на Зоран Заев. Разговараме и за затворањето на истрагата за случајот со набавката на мазут за потребите на ТЕЦ „Неготино”. „Дали ако нешто обвинителот направи или не направи, вие како новинар нема да го прашате дали сте се слушнале со премиерот, дали ви се јави? И дали нема премиерот да го прашате, ако нешто обвинителот направи или не направи, дали му се јавил на обвинителот”, праша лидерот на СДСМ.