Силно невреме со дожд и град го зафати Скопје попладнево. Град со големина на орев паѓа во неколку населби. Во други, невремето е со послаб интензитет.
УХМР претходно најави дека под влијание на циклонска активност времето од утре ќе биде променливо облачно, нестабилно и посвежо со повремени врнежи и грмежи.
Локално процесите ќе бидат поинтензивни во форма на невреме, особено утре и задутре, кога се очекува обилен пороен дожд (над 30 литри на метар квадратен), силен ветер, електрични празнења и изолирана појава на град.
Се очекува и намалување на темпeратурите до 28 степени.