fbpx
Свет

(ВИДЕО) Најмалку 34 убиени во напад во градинка во Тајланд, напаѓачот е бивш полицаец што си ги убил и сопругата и децата

360степени | 6 октомври, 2022 11:26

Во нападот во градинката, според изјава од полицијата за „Ројтерс“, тој прво застрелал четворица или пет лица во градинката, меѓу кои и наставничка која била осми месец бремена

Градинката каде бил извршен нападот / Извор: Гугл

Најмалку 34 лица се убиени во напад со пиштол и нож во градинка во Талјанд, во североисточната област Нонг Буа Ламфу, на околу 500 километри од Бангкок.

Меѓу потврдените информации од локалната полиција е дека најмалку 23 деца се меѓу убиените.

Напаѓачот е идентификуван како 34-годишниот Пања Хамраб, поранешен полицаец кој минатата година добил отказ поради употреба на дрога.

Локалните медиуми, кои ги пренесува Би-би-си, наведуваат дека Хамраб претходно ги убил и неговата сопруга и деца.

Во нападот во градинката, според изјава од полицијата за „Ројтерс“, тој прво застрелал четворица или пет лица во градинката, меѓу кои и наставничка која била осми месец бремена.

По нападот во градинката, тој избегал со бело комби, а потоа, според тајландските медиуми, е пронајден мртов откако се застрелал.

©2024 360 степени, Сите права се задржани