Секоја година на 20 јуни се одбележува Светскиот ден на беглаците, воспоставен во 2000 година, кога е увоена Резолицијата 55/76
Над 82 милиони луѓе ширум светот побегнале од војни, насилства и прогони во 2020 година, и покрај пандемијата на коронавирусот, според Извештајот за глобалните трендови во 2020 година на Високиот комесаријат за бегалци на Обединетите нации (УНХЦР).
Информацијата доаѓа во пресретн на утрешниот Светски ден на бегалците, кој секоја година се одбележува на 20 јуни, откако во 2000 година е усвоена Резолуцијата 55/76, со која се означува 50-годишнината од усвојувањето на Конвенцијата која се однесува на статусот на бегалците.
Високиот комесар на Обединетите нации за бегалци Филипо Гранди, на редовниот состанок во Рим, укажа на злоупотребувана мигрантите на маршрутата на илегални миграции позната како „балканска рута“. Тој нагласи дека би требало да постои посилна политичка волја за решавање на судирите поради кои луѓето се приморани да бегаат.
Според „Извештајот за глобалните трендови“, објавен вчера во Женева, бројот на луѓето што побегнале од војни, насилство, прогони и кршења на човековите права се искачи на приближно 82,4 милиони во 2020 година, и покрај избувнувањето на пандемијата на ковид-19. Оваа бројка, која на крајот на 2019 веќе беше на рекордно ниво со 79,5 милиони луѓе, минатата година се зголеми за четири отсто.