Видео на „Тик-Ток“: Двајца мажи му помагаат на дете да пука со пиштол

Видео во кое се гледа како двајца мажи му помагаат на мало дете да пука со пиштол се појави на популарната мобилна апликација „Тик-Ток“.

На видеото стои датум 01.01.2021 година и време- 13 секунди по полноќ. Објавено е од корисник Агрон Џафери, за кој се претпоставува дека е од Тетово.

Луѓево се од Тетово.
Ја би им одзел старателство одма.
ТОЛКУ.??️? pic.twitter.com/Fly9YnA7FY

— Две Ѕвезди (@dvezvezdi1) January 2, 2021

Во видеото се гледа како детето двапати пука од пиштолот кој го држи со помош на едното машко лице, додека другото лице снима со мобилен телефон.

Видеото набрзо е симнато од „Тик-Ток“, но веќе беше раширено низ социјалните мрежи.

Од СВР Тетово за САКАМДАКАЖАМ.мк велат дека ваков случај сѐ уште не е пријавен кај нив, а ако добијат пријава надлежните служби ќе преземат соодветни активности за откривање на лицата.