Инаку, за потсетување, денеска порано во Скопје на плоштадот „Македонија“ беше организирано симболично одбележување на Денот на независноста на Украина
Во чест на Денот на независноста на зградата на МНР се веат македонското и украинското знаме, објави шефот на дипломатија Бујар Османи на Фејсбук.
„Соодветно на одлуката за совесно енергетско однесување и заштеда на електрична енергија, наместо осветлување на фасадата, денес го поставивме украинското знаме на зградата на министерството. Симболичен начин да укажеме солидарност и почит за храброста на украинскиот народ со која ја бранат слободата и споделените демократски вредности“,
напиша Османи на социјалните мрежи, притоа честитајќи го Денот на независноста на Украина.
Инаку, за потсетување, денеска порано во Скопје на плоштадот „Македонија“ беше организирано симболично одбележување на Денот на независноста на Украина, организирано од страна на украинската Амбасада и Здружението на Украинци „Лесја Украинка“.