УНРВА, основана за справување со палестинските бегалци кои избегаа или беа принудени да ги напуштат своите домови за време на војната во 1948 година во времето на создавањето на Израел, долго време е цел на израелското непријателство
Агенцијата на Обединетите нации за помош на Палестинците (УНРВА) го затвори своето седиште во источен Ерусалим откако локални израелски жители запалија дел од комплексот, соопшти Агенцијата. Филип Лазарини, шеф на УНРВА, во соопштението на платформата Икс информира дека одлучил да го затвори комплексот додека не се воспостави соодветна безбедност. Тој рече дека вчерашниот инцидент е втор за неполна недела.
This evening, Israeli residents set fire twice to the perimeter of the UNRWA Headquarters in occupied East Jerusalem.
— Philippe Lazzarini (@UNLazzarini) May 9, 2024
This took place while UNRWA and other UN Agencies’ staff were on the compound.
While there were no casualties among our staff, the fire caused extensive damage… pic.twitter.com/ZqHFDNkiWC
„Ова е неверојатно. Уште еднаш животите на персоналот на ОН се доведени во сериозна опасност. Одговорност е на државата Израел како окупаторска сила да обезбеди дека персоналот и објектите на Обединетите нации ќе бидат заштитени во секое време“,
рече тој.
Израел веќе долго време ја прозива УНРВА
УНРВА, основана за справување со палестинските бегалци кои избегаа или беа принудени да ги напуштат своите домови за време на војната во 1948 година во времето на создавањето на Израел, долго време е цел на израелското непријателство.
Од почетокот на војната со Газа израелските власти постојано бараа затворање на агенцијата обвинувајќи ја за партнерство со исламистичкото движење Хамас во Газа, што Обединетите нации силно го отфрлаат. Израел го смета целиот Ерусалим за свој главен град и не сака да го подели, вклучувајќи го и источниот дел заземен во војната во 1967 година, кој Палестинците го сакаат како свој иден главен град на независна држава.
Нема жртви
Лазарини рече дека персоналот бил присутен во моментот на инцидентот, но немало жртви. Сепак, надворешните области биле оштетени од пожарот, кој бил изгаснат од персоналот бидејќи на службите за итни случаи им требало време да реагираат. Од израелската полиција засега нема коментар.
Лазарини рече дека групи Израелци одржуваат редовни протести пред комплексот на УНРВА во последните два месеца и дека оваа недела демонстрантите фрлале камења врз персоналот и зградата. На видеото кое Лазарини го сподели со објавата се гледа чад во близина на зградите на работ на комплексот на агенцијата, додека во заднина се слушаат скандирања и пеење.
„На снимката се гледа и толпа придружувана од вооружени мажи пред комплексот, која извикува ‘Запали ги Обединетите нации’“,
рече Лазарини.