Повеќе од две илјади луѓе загинаа, а околу шест илјади се водат за исчезнати во Дерна, Либија, каде што под притисок на поплавите предизвикани од бурата Даниел се урнаа две брани
Повеќе од 2 000 луѓе се загинати, а околу 6 000 се водат за исчезнати во градот Дерна, во Либија, каде што под притисокот на поплавите од бурата Даниел се урнале две брани, пренесува Си-ен-ен.
„Како резултат на поплавите се урнаа три моста, а водата однесе цели населби“,
изјави Ахмед Мисамари, портпарол на Либиската национална армија.
Бурата Даниел ја зафати Либија во неделата поради што властите прогласија вонредна состојба, а источните градови Бенгази, Сус, Дерна и Ал-Марџ беа погодени.
After devastating Greece in the country’s worst ever flood disaster, #medicane Daniel submerges East Libya under water. First estimate of 2,000 dead, many missing thought to have been washed out to sea. Apocalyptic. #ClimateCrisis #ClimateActionNow pic.twitter.com/HTxgiTQbaz
— George Tsakraklides (@99blackbaloons) September 11, 2023
Како што пренесува Би-би-си, либискиот Црвен крст соопштил дека, покрај зголемениот број жртви, уништени се и најмалку 150 дома.
Шефот на хуманитарната мрежа на Црвената полумесечина рече дека најмалку 150 смртни случаи се регистрирани само во Дерна, пренесува Ројтерс.
Шефот на либиската источна влада Осама Хамад ја опиша ситуацијата како „катастрофална и без преседан“.
„Исчезнатите се во илјадници, а загинатите надминуваат 2 000. Цели населби во Дерна исчезнаа заедно со нивните жители“,
вели Хамад за либиски телевизиски канал.
This isn’t war. This is a consequence of choosing war and corruption over nation building.
— Anas El Gomati (@AGomati) September 11, 2023
A video from Derna, Eastern Libya pic.twitter.com/y1NoQhZY24
Шефот на либиската служба за вонредни ситуации, Осама Али, за Си-ен-ен изјави дека по уривањето на браната целата вода отишла во областа кај Дерна, која е планинска крајбрежна област.
„Куќите во долините беа однесени од силни струи од кал кои носеа возила и остатоци. Телефонските линии во градот исто така се во прекин, што ги отежнува напорите за спасување, а работниците не можеа да влезат во Дерна поради огромното уништување“,
додава тој.
Али вели дека властите не ги предвиделе размерите на катастрофата.
„Временските услови не беа добро проучени, како и нивото на морето, врнежите, брзината на ветерот. Либија не беше подготвена за ваква катастрофа, никогаш не сме биле сведоци на вакво нешто. Признаваме дека имало недостатоци, иако првпат се соочуваме со вакво нешто“,
рече Али.
Have we just whiteness a whole city washed in the sea in Libya 🇱🇾 International help will not fix anything anymore this impact is just too fast and big. As usually we underestimated the consequences of our incompetence from our overvaluation. https://t.co/OiVKOC7JL0 pic.twitter.com/V3vr6CaojW
— Thomas Reis (@peakaustria) September 11, 2023
Снимки објавени на социјалните мрежи покажуваат потопени автомобили, урнати згради и порои вода низ улиците. Болниците во источниот град Бајда се евакуирани, според видеата поделени на Фејсбук од Медицинскиот центар.
Libya’daki can pazarı görüntüleri çok kötü, 10.000 insan kayıp deniliyor.
— Deniz BOZDOĞAN (@DenizBozdogan_) September 11, 2023
Ey Rabbimiz;
Senin gazabından yine Sana sığınırız..
——#Libya Affet Türkiye Antalya Mehmet Şimşek Savcı iPhone 15 Pro Max BAŞÖĞRETMEN ERDOĞAN Bursa Medine Tuzla Belediyesi Kuran Osman Gökçek Şeriat pic.twitter.com/jXrRWE5Kcb
Покрај областите на исток, меѓу погодените од поплавите е и западниот град Мисрата.
Либија е земја која има околу шест милиони жители, а од 2014 година, по убиството на долгогодишниот лидер Моамер Гадафи во 2011 година, е поделена меѓу две ривалски администрации.
Двете влади прогласија тридневна жалост по зафатената бура Даниел.
Неколку земји испратија сочувство и понудија помош за Либија додека спасувачките тимови се обидуваат да најдат преживеани под урнатините.
Турската агенција за катастрофи соопшти дека ќе испрати 150 лица за пребарување и спасување, заедно со шатори, возила за спасување и други материјали, како што се генератори.
Американската амбасада во Либија на Твитер објави дека е во контакт со Обединетите нации и властите во Либија за да се утврди колку брзо може да обезбеди помош онаму каде што е најпотребна.