Според извештаите на локалните медиуми, големиот брод удрил во мостот синоќа околу 1:30 часот. Бродот прво се запалил, а потоа мостот се урнал
Голем мост се урнал денеска во американскиот град Балтимор, во државата Мериленд, откако во него удрил брод кој потоа се запалил. Мостот „Френсис Скот Ки“ е дел од патните правци кон југ и север на автопатот Интерстејт 695.
На мостот имало автомобили, кои по уривањето завршиле во реката.
Mass Casualty event in Baltimore.
— Citizen Free Press (@CitizenFreePres) March 26, 2024
Francis Scott Key Bridge collapses after giant ship slams into pillar.
10+ vehicles on bridge fall hundreds of feet into water below.pic.twitter.com/zqW3929TTB
Според извештаите на локалните медиуми, големиот брод удрил во мостот синоќа околу 1:30 часот. Бродот прво се запалил, а потоа мостот се урнал.
Со мостот во реката Патапско паднале неколку автомобили. Уривањето на мостот го снимиле надзорните камери. Засега не се знае дали има загинати и/или повредени.
🚨🇺🇸#BREAKING: A major bridge has collapsed in Baltimore after a ship collided into it.
— Censored Men (@CensoredMen) March 26, 2024
Thoughts and prayers with all those involved 🙏💔
pic.twitter.com/9XASQCjB0r
„Сите ленти на мостот беа затворени пред уривањето и целиот сообраќај беше пренасочен“,
соопшти транспортната управа во Мериленд нешто пред 2 часот по полноќ по локално време.
Противпожарната служба на градот Балтимор за Си-би-ес њуз информира дека околу 1:30 часот почнале да доаѓаат извештаи дека брод удрил во столб на мостот.
„Не беше јасно колку возила има на мостот, но на него дефинитивно имаше една голема приколка за камион. Има најмалку седум лица во реката, а нуркачка и спасувачка екипа пристигна на местото на настанот за да ги лоцира луѓето“,
посочиле од противпожарната служба.
Извршниот директор на округот Балтимор, Џони Олшевски Џуниор, се огласи на социјалните мрежи:
„Спасувањето е во тек. Молете се за погодените“.