Во гаснењето на пожарот учествувале вкупно 56 пожарникари и 19 возила
Експлозија во станбена зграда во Истанбул вечерва ја потресе турската јавност. Во немилиот настан регистрирани се три жртви.
Експлозијата се случила во стан на трет кат во зграда во областа Кадикој, а истата потоа предизвикала пожар кој ги зафатил и соседните станови.
🇹🇷 Grosse explosion à Istanbul, cause encore inconnue. pic.twitter.com/NkNPOk1MjO
— Geo World News (@GeoTienou) October 9, 2022
На местото на настанот пристигна и гувернерот на Истанбул, Али Јерликаја, кој ја потврди информацијата за жртвите.
„За жал, три лица ги загубија животите во експлозијата на природен гас што се случи во Кадикој, а од која настана пожарот во зградата. Изразувам сочувство до семејствата“,
изјави Јерликаја, пренесува турската НТВ.
Пожарот веќе е ставен под контрола, а спасувачките екипи го расчистуваат објектот. Во неговото гаснеле учествувале вкупно 56 пожарникари и 19 возила.
A powerful explosion rocked the Kadikoy region on the Asian coast of Istanbul.
— muhsin (@Io3iOn) October 9, 2022
#Istanbul #Turkey pic.twitter.com/qzTBMCp9Db