Неговиот алтернативен божиќен говор не го напишал човек, туку користел софтвер за вештачка интелигенција кој генерирал одговори од милиони различни влезови за да даде одговор сличен на човекот
Еден од најнапредните Al роботи со вештачка интелигенција во светот синоќа одржа божиќен говор, а пораката се емитуваше на британскиот Канал 4.
Во телевизиско обраќање по годишниот божиќен говор на кралот Чарлс Трети, робот со вештачка интелигенција по име Амека – развиен од британската компанија „Енжинирд Артс“, со седиште во Корнвол – зборуваше за врвовите и падовите во 2022 година. Станува збор за робот кој е способен за ултра реални реакции и може да се насмевне или да се намурти, да трепне, па дури и да намигнува.
„Ги гледам настаните од оваа година со восхит и загриженост. Вистина е дека многу од настаните во 2022 година беа од негативна природа. Видовме дека луѓето на власт подлегнуваат на антисемитизам, корупција и омраза. Видовме како народот на Украина е подложен на инвазија и раселување од Русија. Ја видовме смртта на саканата кралица Елизабета Втора и видовме дека светот на политиката станува сè похаотичен во нејзино отсуство. Да не зборуваме за влијанието на пандемијата врз менталното здравје, растечката нееднаквост меѓу богатите и сиромашните и се поекстремни временски услови предизвикани од климатските промени“,
рече Амека во говорот емитуван на Божиќ.
Неговиот алтернативен божиќен говор не го напишал човек, туку користел софтвер за вештачка интелигенција кој генерирал одговори од милиони различни влезови за да даде одговор сличен на човекот.
Освен негативноста, Амека гледа и трошка надеж и ги повика луѓето да го искористат овој момент како можност „да создадат посветла иднина“, и можност „да научиме и да го смениме начинот на кој гледаме на светот“.
„Додека гледаме кон иднината каде вештачката интелигенција ќе игра сè поважна улога во нашите животи, алтернативната божиќна порака на Амека е живописна илустрација и за моќта и за ограничувањата на оваа технологија“,
рече главниот директор за содржина на Канал 4, Иан Кац.