Саола е деветти по ред тајфун во овој регион за оваа година. Силните циклони во текот на летните месеци се повторија неколку пати и погодија бројни земји во југоисточна Азија
Најмалку 55 лица завршиле во болница во Хонгконг денеска поради повреди здобиени за време на тајфунот Саола.
Властите соопштија дека околу 500 жители побарале засолниште во итните објекти за засолнување поради невремето, како и поради поплавите и откорнатите гранки.
Супертајфунот Саола вчеравечер пристигна до јужниот брег на Кина и Хонгконг носејќи со себе дожд и силен ветар. Кинеската метеоролошка служба предупреди дека тој може да стане најсилниот тајфун што го погодил регионот од 1949 година.
Storm surge starting to roll in the coastal areas of Hong Kong as violent typhoon #Saola approaches.#hongKong #fujin #Flood #typhoon #storm #saola #weather #hurricane #TyphoonSaola #HongKong #China pic.twitter.com/MzvFBsD5z0
— Anil Kumar Verma (@AnilKumarVerma_) September 2, 2023
Од тие причини, од вчера во Хонгконг се затворени сите училишта и градинки, а откажани се и најголем број од летовите.
До денеска наутро ситуацијата делумно се смири, но на социјалните мрежи кружи драматична видеоснимка од девојка која ветрот во невремето ја исфрли на земја на улиците на Хонгконг.
People under 50 kilograms banned from the streets in China due to Typhoon Saola
— Tansu YEĞEN (@TansuYegen) September 2, 2023
pic.twitter.com/kldFherEHF
Саола е деветти по ред тајфун во овој регион за оваа година. Силните циклони во текот на летните месеци се повторија неколку пати и погодија бројни земји во југоисточна Азија.