Погледнете го новото издание на емисијата „360 степени“, емитувано на 3 декември 2021 г. на ТВ Алсат, во кое разговараме со Ѓорѓи Трендафилов и Добре Митрев
Правата на Бугарите во Северна Македонија во контекст на блокираниот пристапен процес на земјава кон Европската Унија е темата на ова издание на „360 степени“. Речиси и да нема соопштение на тема Северна Македонија што излегува од кабинетот на претседателот Румен Радев, а да не се нагласи дека без почитување на правата на овие граѓани во земјава, Бугарија не може да се согласи со почеток на преговорите за членство во ЕУ. Претставници на Граѓанско-демократската унија (ГДУ) и на неколку здруженија на Бугарите од Македонија пред околу еден месец во Софија се сретнаа со државно-владиниот врв за да ги изложат своите видувања за статусот што го имаат во земјава. Двајца од членовите на таа делегација се гости во нашето студио – Ѓорѓи Трендафилов, претседавач на Националниот комитет на ГДУ и Добре Митрев, претседател на Здружението за македонско-бугарско пријателство.