Седумнаесетти ден по ред демонстрантите кои бараат оставка од владата и државниот обвинител денеска се собраа во Софија на протест.
Тие попладнево го запреа сообраќајот во непосредна близина на зградата на Националното собрание и пред претседателството, скандирајќи „Оставка“ и фрлајќи ролни тоалетна хартија.
Видео: БГНЕС
Протестите почнаа откако главниот обвинител Иван Гешев нареди претрес на кабинетот на претседателот и апсење на двајца соработници на Радев. Покрај во главниот, демонстранти излегоа на улици и во другите градови.
По две недели непрекинати протести премиерот Бојко Борисов неделава ја реконструираше владата, се сменија неколку министри, но демонстрациите продолжуваат со барање оставка од целата влада.
Претседателот Румен Радев, исто така, побара оставка од владата пред десетина дена, а кога се сменија само неколку министри тој излезе со коментар дека тоа е само обид да се купи време на штета на Бугарија.