Според американски и израелски официјален претставник, САД се подготвуваат да ги испорачаат бомбите, а администрацијата на Бајден разгледува уште еден дел од пратката што вклучува бомби со тежина од над 800 килограми
Администрацијата на американскиот претседател Џо Бајден ќе пушти пратка со бомби тешки повеќе од 200 килограми кои требаше да бидат дел од пакетот за Израел кој беше суспендирана минатиот месец, соопштија американските и израелските власти.
Според американски и израелски официјален претставник, САД се подготвуваат да ги испорачаат бомбите, а администрацијата на Бајден разгледува уште еден дел од пратката што вклучува бомби со тежина од над 800 килограми.
Американскиот функционер објаснил дека тие разговарале за ова прашање неделава за време на посетата на израелскиот министер за одбрана Јоав Галант на Вашингтон истакнувајќи дека израелските власти биле информирани дека Бајден не прима наредби од (израелскиот премиер) Бенјамин Нетанјаху за да ја пушти пратката.
Висок американски функционер претходно оваа недела изјави дека помошниците на претседателот Џо Бајден го информирале Галант дека Вашингтон ќе продолжи да ја прекинува испораката на тешки бомби за Израел додека не заврши процесот на ревизија.
Во мај САД ја прекинаа испораката на тешки бомби за Израел наведувајќи ја загриженоста дека тие ќе се користат во густо населените области на Појасот Газа.
Неодамна Нетанјаху ја обвини администрацијата на Бајден дека не сака да му предаде оружје на Израел, што му е потребно во војната против Газа која трае од 7 октомври.
Американски официјални лица ги негираа наводите на Нетанјаху посочувајќи дека Вашингтон ја суспендирал испораката на само една пратка.
Во април Бајден потпиша пакет помош од 26,4 милијарди долари за Израел, вклучително и 14 милијарди долари воена помош.
„Вашингтон пост“ објави дека од почетокот на израелската војна во Појасот Газа, Соединетите Американски Држави ѝ обезбедиле на израелската армија воена помош во вредност од над 6,5 милијарди долари.