В понеделник ќе се отвори прашањето за покачување на минималната плата на 18 000 денари

Тренчевска не прецизираше кога би бил тој „најкус можен рок“ за изнаоѓање решение и за покажување на минималната плата

Заложба на Владата е минималната плата во износ до 18 илјади денари да се покачи во најбрз можен рок, а до 20 илјади денари до крајот на нејзиниот мандат, најави министерката за труд и социјална политика Јованка Тренчевска.

Сепак, таа не прецизира кој би бил најкусиот рок за покачувањето на минималната плата до 18 000 денари, туку истакна дека прво треба да се постигне договор со социјалните партнери за да се дојде до решение кое ќе биде во интерес на сите засегнати страни.

„Ќе отвориме дијалог во рамки на Економско-социјалниот совет со социјалните партнери, со синдикатите и со работодавачите. Целта ни е преку тој дијалог да дојдеме до најповолното решение и за работниците и за работодавачите. В понеделник имаме состанок со синдикатите заедно со вицепремиерот Битиќи и со министерот за економија. Ќе го отвориме прашањето в понеделник и се надевам дека ќе дојдеме до решение кое што ќе биде поволно и за синдикатите и за Владата и за работодавачите“,

рече Тренковска одговарајќи на новинарско прашање на прес-конференција во Владата.

Синдикатите бараат пратениците да дадат приоритет на зголемување на минималецот, а не на избори и апанажи

Тренчевска не прецизираше кога би бил тој „најкус можен рок“ за изнаоѓање решение и за покажување на минималната плата. 

„За тоа се води дијалог со социјалните партнери со коишто ќе отвориме дебата, да видиме и за двете страни кој е тој рок што одговара. Се надевам дека во текот на февруари ќе се свика и Еконономско-социјалниот совет на којшто ќе зборуваме за покачувањето на минималната плата“,

рече Тренчевска.